ភ្នំពេញ៖នៅព្រឹកថ្ងៃទី១២ ខែសីហា ឆ្នាំ២០១៦ នៅទីស្នាក់ការគណបក្សខណ្ឌដង្កោបានរៀបចំកិច្ចប្រជុំក្រុមការងារចុះជួយខណ្ឌដង្កោ ដើម្បីត្រួតពិនិត្យការងារមួយចំនួនឆ្ពោះទៅកាន់ការចុះឈ្មោះបោះឆ្នោត ក្រោមអធិបតីភាព ឯកឧត្តម កែប ជុតិមា ប្រធានក្រុមការងារចុះជួយខណ្ឌដង្កោ។ក្នុងឱកាសនោះដែរ មានការចូលរួមពីលោក ក្រុមការងារបក្សខណ្ឌ គណៈកម្មាធិការ បក្សសង្កាត់ សាខាបក្ស ភូមិ និងមន្ត្រីជាសកម្មជនបក្សជាច្រើនរូបផងដែរ។
ឯកឧត្តម កែប ជុតិមា ក៏បានលើកទឹកចិត្ត និង ជំរុញដល់ក្រុមការងារតាមភូមិចូលរួមជាមួយគណបក្សឃុំចូលដល់ខ្នងផ្ទះ និងស្តាប់នូវទុកកង្វល់របស់ប្រជាពល រដ្ឋដើម្បីបានដោះស្រាយបានទាន់ពេលវេលា ។ ក្នុងនោះផងដែរ ឯកឧត្តមក៏សូមស្នើដល់ក្រុមប្រឹក្សាសង្កាត់មេភូមិ ជួយផ្តល់សេវាសាធារណៈឲ្យបានទាន់ពេលវេលា ហើយមានតម្លាភាព និង ដោះស្រាយសំណើសំណូមពររបស់ប្រជាពលរដ្ឋដែលស្នើសុំតាមរយៈវេទិការសាធារណៈ ដូច្នេះ មូលដ្ឋានភូមិ-ឃុំតត្រូវធ្វើកំណត់ត្រាស្នើសុំឲ្យបានច្បាស់លាស់ ។
ក្នុងឱកាសនោះ ឯកឧត្តមប្រធានបក្សស្រុកបានបកស្រាយពីស្ថានភាពនយោបាយបច្ចុប្បន្ន និង បកស្រាយពីមេគណបក្សប្រឆាំងដែលបានស្នើដល់សភាអ៊ឺរ៉ុបឲ្យបិទការនាំចូលសម្លៀកបំពាក់ពីកម្ពុជា ដែលជាអំពើវាយបំបែកឆ្នាំងបាយ និង សម្លាប់កម្មករ ទូទាំងប្រទេស ។ ហើយគោលនយោបាយបក្សជាពិសេសមានគោលនយោបាយច្បាស់លាស់ សម្រាប់ដឹកនាំសង្គមជាតិ ឲ្យឆ្ពោះទៅភាពរីកចម្រើន។ សមាជិក នៃគណបក្សប្រជាជនកម្ពុជា បានសម្តែងការរំពឹងថា ក្រោមទង់របស់គណបក្សប្រជាជនកម្ពុជា ពួកគេនឹងមានឱកាសចូលរួមចំណែកកសាងសង្គមកម្ពុជា ឲ្យកាន់តែរីកចម្រើន។
ឯកឧត្តម ក៏ជម្រុញឲ្យសមាជិកបក្ស ក៏មិនភ្លេចផងដែរ និងត្រូវប្រឹងប្រែងជួយសម្របសម្រួល និងជំរុញឲ្យប្រជាពលរដ្ឋ នៅតាមមូលដ្ឋានទៅធ្វើអត្តសញ្ញាណបណ្ណ និងទៅចុះឈ្មោះបោះឆ្នោត ដើម្បីមានសិទ្ធិចូលរួមបោះឆ្នោតជ្រើសរើសក្រុមប្រឹក្សាឃុំ សង្កាត់នៅឆ្នាំ២០១៧ ក៏ដូចជាការបោះឆ្នោតថ្នាក់ជាតិនៅឆ្នាំ២០១៨ ៕